“Denbora osoa eskaintzen diogu”

Larrabetzuko baserri honen familia-tradizioa 1970ean hasi zen, nire gurasoek, Benigno Aspuruk eta M. Carmen Milikuak sortu zutenean. Instalazioak hainbatetan berritu ondoren, gaur egun senarrak eta biok jarraitu dugu negozioarekin eta egunero aurrera daramagu, lan eginez eta pertseberantziaz.

Elikagaien segurtasuna eta higienea dira gure borroka nagusiak. Hori dela eta, denbora osoa eskaintzen diogu: baserria etengabe hobetzen dugu eta oiloak seme-alabak balira bezala zaintzen ditugu.

— Itziar Aspuru —

“Gure oiloak bedeinkapena dira guretzat”

Gure gurasoek, Pedro Uriagerekak eta Jeronima Eizagirrek, sortu zuten 1967an eta 1983az geroztik geuk kudeatu dugun familia-enpresa honetaz harro gaude eta gure etorkizuna da.

Gure oiloak bedeinkapena dira guretzat, negozioa aurrera ateratzeko aukera ematen baitigute. Hori dela eta, beti pozik egon daitezen saiatzen gara, animalien ongizate eta elikagaien segurtasuneko araudiak zorrotz betez.

— Jesus Uriagereka —

“Guretzat oiloa erregina da, gure nagusia”

60ko hamarkadan, oilo errulearekiko pasioak gure gurasoek enpresa sortzea eragin zuen. Seme-alaboi pasio hori transmititu digute eta oiloarekiko errespetu handia irakatsi digute, familia aurrera atera duen animalia baita.

Lan honetan jaio eta bizi izan gara eta, beraz, oiloak ondo zaintzearen garrantzia oso argi dugu eta negozioaren nagusitzat ditugu. Amak irakatsi zigun ondo zaindutako animaliak kalitate oneko produktua ematen dizula. Hori dela eta, bere ongizatea osoki kontrolatzen dugu: erosotasuna, elikadura, tenperatura eta zaratatik aldendutako paraje naturalak ematen dion lasaitasuna.

— Tere Larrabe —

“Nire oiloen ongizate eta erosotasunari lehentasuna ematen diet”

Karrantza haran sinestezin eta lasaia inguruan dutela, nire oiloek haien ongizate eta erosotasunari lehentasuna ematen dioten instalazio eraberritzaileez gozatzen dute: nahierara mugitzeko lekua eta askatasuna dute, eta hori ekoizten dituzten arrautzen kalitatean nabaritzen da.

— Epifanio Paliza —

“Nire oiloek inguru natural pribilegiatuaz gozatzen dute”

Betidanik gogoko izan dut animaliekin lan egitea eta egun oiloen hazkuntza ekologikoan dihardut. Merezi duten arretaz zaintzen ditut: baserritik atera eta nahi dutenean sartzeko askatasun osoa dute eta Pirinioetako inguru natural pribilegiatuaz gozatzeko aukera dute.

— Jon Eizmendi —